موقع حورية لكل ما يهم المرأة العربية يقدم زعلوك ديال الشفلور
زعلوك ديال الشفلور
الوصفة من الاخت امونة
السلا عليكم هاد زعلوك تيجي بنين وساهل
غادي نحتاجو شيفلور مسلوق او مبخر ونخليوه احتا يستقطر مزيان ويبرد
من بعد نوجدو شرمولة فيها معدنوس وتومة والزيت والملح وخرقوم وطحميرة وكامون وابزار وسودانية انا تنحماق اعلى الحار ونديرهم يتشحور غير شوية
من بعد ماتشحرت الشرمولة نزيدو الشيفلور ونمعسوه ونبقاو نحركو فيه احتا يشرب الشرمولة مزيان وينشف
من بعد مانشف تنزيد ليه البيض انا دارت البيض غير اللي غادة ناكل اليوم اما اللي غادة نخلي فالتلاجة احتا نبغي ناكلو عاد ندير ليه البيض
وهاهو كيف تيجي راه تيجي بنين بزاف
ليست هناك تعليقات:
إرسال تعليق